Budweiser, besti bjórinn!

 Budweiser er einhver metnasti bjór sem bruggaður er í dag, í magni talið. Hann er einnig mest bruggaður í heimi. Ég elska Budweiser. Helst Amerískan Bud. Hann er svo góður við þorsta.

Skýtið þegar hinir "miklu bjórspekúlantar" á börum landsins líkja amerískum Budweiser við vatnsull, og tala svo um nokkrum sekúndum síðar hversu vatn er gott við þorsta.

Ekkert er betra við þorsta heldur en einn jökulkaldur Bud!!

Gibson VS Setzer

Brian Setzer er að mínu mati einn lang besti, lifandi gítarleikari sem til er. 10 Apríl 1959 fæddist strákur er var nefndur Leon Drucker. Kallaði sig síðar Brian Setzer / /ekki spyrja mig.) Hann lærði að spila á gítar og bla bla bla...

Ég ætla mé ekki að fara að tíunda ævi Setzer hér, það hafa aðrir betri skrifarar gert, en ég vil endilega vekja athygli á honum. Hann er öðru hverju að dúkka upp hér og þar. Hann er a sjálfsögðu þekktastur fyrir að vera í henni vel þekktu hljómsveit Stray Cats. Lagið sem ég setti inn á síðuna heitir "Rumble in Brighton Tonight",og takið eftir hversu fullkomlega Setzer hefur vald á gítarnum, sem er af Gibson tegund.

Hvernig drekka skal bjór.

Hvernig á að drekka bjór? Það er til einfalt svar við því. Klikkið á videoið til að komast að því. Metið mitt er 4 sek á hálfan líter. Þetta er töluvert betra.

"Síðasta hlustun" fyrir Blues Willis plötuna (Hang 'em high)

Í kvöld kíkti ég með Rúnari félaga mínum upp í stúdíóið þar sem við í Blues Willis höfum verið að taka upp plötuna okkar.  Áætlunin var að taka svokallaða "síðustu hlustun" á plötuna okkar. Það er að segja, þar sem allir meðlimir koma saman og hlusta á alla plötuna frá A-Ö.

Það kom svo skemmtilega á óvart hversu margir voru viðstaddir. Það voru allir meðlimir Blues Willis + fleiri félagar. Sennilega samtals um 14-16 manns. Stemningin var frábær. Allir með bjór í hönd og spjallandi saman á létturm tónum, ásamt því að hlusta á plötuna rúlla. Sumir komu með athugarsemdir um hitt og þetta, og ef fleiri voru sammála, lagaði Maggi upptökustjóri það í hvelli með fíngerðum stillingum á tölvuna.

Ég spila á píano inn á 2 lög á plötunni. Það var virkilega skemmtilegt hvað allir voru sáttir við píano fyllinguna. Það hvetur mann. Hvetur mann helst til að gera betur næst.

Við Rúnar þurftum að drífa okkur áður en hlustunin var afstaðin. En ég var meira en sáttur við útkomuna sem ég heyrði. Það kæmi mér ekki á óvart þó Blues Willis leggi Papana varlega á hliðina.

Ég tek nú bara svona til orða... 

Rosco Gordon

Ég má til með að henda inn einu lagi inn í spilarann minn til að leyfa ykkur að heyra. Maðurinn er Rosco Gordon og er einn af "sun" köttunum. Ég hef ég hlustað á meistarann frá því ég var um í kringum 12-13 ára og er hann í miklu uppáhaldi hjá mér. Lagið Shoobie Oobie er það fyrsta sem ég heyrði með Gordon og hefi ég stúdderað hann síðan. Ég mun án efa skrifa "fræðslufærslu" um Gordon seinna.

Sonny Burgess

Sonny Burgess fæddist á sveitabýli í Arkansas árið 1931.  Snemma á sjötta áratug síðustu aldar stofnaði Burgess ásamt Kern Kennedy, Johnny Ray Hubbard, og Gerald Jackson boogie woogie band sem þeir nefndu Rocky Road Ramblers.

Sonny og félagar heyrði eins og margir aðrir á þeim tíma, að maður að nafni Sam Phillips var með hljóðupptökuver í Memphis Tennessee og hljóðritaði og gæfi út plötur, hljómuðu þær vel.  Það var svo árið 1956 sem Sonny gaf svo út plötuna "We Wanna Boogie" þá undir nafninu Sonny Burgess & the Pacers, sem mér skilst reyndar að hafi verið hugmynd Hr. Phillips, og var það fyrsta plata þeirra félaga. Svo það má vel segja að Sonny Burgess sé einn af "Sun köttunum".

Platan sló rækilega í gegn og komu út margar plötur með Burgess og félögum eftir hana.

Hér eru örfá af þeim mörgum lög með Sonny Burgess

We Wanna Boogie
Daddy Blues
Find My Baby For Me
One Night With You
My Babe
Feelin' Good
Don't Be That Way
Itchy
Kiss Goodnight, A
Sweet Misery
Mr. Blues
Oochie Coochie
Thunderbird
Fannie Brown
Always Will
Red-Headed Woman
Sadie's Back in Town
You
Little Town Baby
Tomorrow Night
One Broken Heart

Og þetta er fyrsta lagið sem Sonny & the Pacemakers gáfu út:

Bloggið, ég og Blues willis

Ég er kallaður eins og kannski flest ykkar vita Siggi Lee Lewis. Byrjað var að kalla mig Sigga Lee Lewis upp úr 16 ára aldri sennilega vegna þess að ég spila mikið Boogie Woogie rokk og blues á piano.Á þessu bloggi ætla ég að skrifa um þekkta tónlistarmenn og hljómsveitir, auk þess sem ég hendi inn einstaka færlsum um aðra skemmtilega hluti. 

Ég er í magnaðri 7 manna hljómsveit sem heitir Blues Willis, sem samanstendur af mér og 6 fleirum. Við spilum aðalega Contry en þó er allt opið. í hljómsveitinni er m.a Piano, Trommur, Bassi, Gítarar, Banjo og flreiri skemmtileg tónfæri. Fyrsta platan okkar, Hang Em High kemur vonandi út von bráðar, en á henni eru 14 vel samin og flutt lög sem öll eru frumsamin sem og textar. Á æfingum er mikið trallað og tjúttað, drukkið, slegist og drepist.

Hvað um það. Á þessari bloggsíðu ætla ég mér að skrifa um tónlist sem ekki er mikið skrifað um á öðrum miðlum. Það er tónlist allt frá 1930 og upp til 1965. Þá er ég að meina tónlist eins og Contry, Rockabilly, Shuffle, Blues og fleira skemmtilegt.

Ég vona að þið munuð hafa gaman af þessari frumraun minni í bloggheima.

Takk fyrir. Siggi Lee Lewis.