44 forseti Bandaríkjanna

Barack Hussein Obama hefur verið kjörinn 44 forseti Bandaríkjanna og vil ég óska honum og öllum hans stuðningmönnum til hamingju með það. Obama virðist snjall náungi, ákveðinn og áreiðanlegur. Ég hins vegar var persónulega sammála John McCain í fleiri málum en Obama, sé litið til mála eins og Íraksstríðsins og efnahagsmála. Ég er líka ósammála McCain í öðrum hlutum sem ég tel Obama hafa rétt fyrir sér. Obama er tákngerfingur réttlætis og framfara. Það hafa jafnvel margir rebúblikanar sagt. Hann er meiri týpan sem sem sest niður milli tveggja ósáttra manna og ræðir leiðir til sátta. Þrátt fyrir reynsluleysi tel ég Obama frábæran mann og vonandi verður hann jafnfrábær sem forseti þessa frábæra lands mannréttinda og tækifæra.

Til hamingju Obama!

Athugasemdir

[Jens Guð, 6.11.2008 kl. 01:45]

  Ég játa að það kom mér á óvart að Hussein væri kosinn forseti Bandaríkjanna með þessum yfirburðum.  Það skekkir hjá mér myndina að ég þekki bara fólk í Suðurríkjunum.  Besti vinur minn,  Guðmundur Rúnar,  búsettur í Norður-Karólínu hringdi í mig í kvöld og sagði að þar væru margir verulega svekktir og stemmning fyrir því að Hussein sé skotinn á færi.

  Á móti kemur að Brúskur er óvinæll,  svo ekki sé fastar að orði kveðið.  Flestar helstu rokkstjörnur og aðrir skemmtikraftar Bandaríkjanna studdu Hussein.  Að mér skilst hefur kosningaþátttaka ungs fólks ekki verið meiri í áratugi. 

  Eigum við að veðja bjórkassa upp á hvað líður á löngu þangað til Hussein verður skotinn?  Ég veðja á fyrir hálft kjörtímabil.

[Siggi Lee Lewis, 6.11.2008 kl. 17:18]

Ég held því miður að þú hafir rétt fyrir þér Jens minn, en það yrði einn hræðilegasti atburður í sögu heimsins. Ég ætla samt að halda trú minni á nánast óbilandi styrk öryggisgæslu bandarísku leyniþjónustunnar sem gæta öryggi hans og veðja því á móti, að hann á eftir að lifa þetta af, og jafnvel hans næsta kjörtímabil sem ég efast ekki um að hann sitji, sstandi hann sig vel í þessari prófraun sinni. Bjórkassi er undir.

Við megum reyndar ekki fara frammúr okkur og heilla Obama um of strax. Hann á algerlega eftir að sanna sig en hann hefur svo sannarlega ekki gert það á sinni örstuttu pólitískri ævi. EN gefum manninum sjens. Ég tek aftur fram að ég fagna sigri hans og hef mikla trú á honum.