Íslenska þjóðin er að gefast upp í fyrsta skipti.

 

Íslendingar eru að drepast úr kreppu. Þeir hafa ekki lengur efni á að eiga sinn eigin bíl. Íslendingar hafa varla efni á að kaupa sér nautasteik á grillið! Einn Íslendingurinnn varð alveg steindofa er hann fékk ekki 09 Mercedes Benz á 100% láni um daginn.

 

Íslendingar verða nú að fara að éta svínakjöt úr Bónus og auka brauðneyslu með úrvals áleggi. Þeir verða að fara að skutla ástvinum og vinum sínum í skóla og vinnu til að spara eldsneyti.

 

Þetta er áhyggjumál! Sérstaklega þegar fólk í Afríku deyr úr hungri og sefur á sléttunni. Almenningur í Afríku fagnar matarleifum.Sumir segja mér að ekki sé hægt að miða Ísland við Kongo. en ég sé engan mun. Árið er 2008 bæði á Íslandi og í Kongo.

 

 

 

Athugasemdir

[Jens Guð, 5.10.2008 kl. 00:48]

  Ég er kominn í svo góða kreppustemmningu að í stað þess að drekka kippu af Budwiser í gleri og nokkrar Slotsdósir drakk ég bara tvo Budwiser og margar Slots dósir. 

[Siggi Lee Lewis, 5.10.2008 kl. 16:43]

Sluts er snilld! Hvað Budweizer-inn varðar er ég hrifnari af bandaríska en tékknenska.

[Magnús Geir Guðmundsson, 5.10.2008 kl. 22:18]

Meira fyllerísröflið!