Fréttamennska stöðvar 2.

Ég horfði á sjónvarpsfréttir stöðvar 2 í kvöld. Fyrstu fréttirnar voru um handbolta "afrek" íslendinga í Peking. Fyrsta fréttin var um stöðu íslendinga á ólympíuleikunum, og viðtöl við fólk í kringlunni (þar sem reyndar 90% þeirra höfðu engan áhuga á þessu rugli og ætluðu ekki að fylgjast með úrslitaleiknum.)

Önnur fréttin í handboltahrynufréttum stöðvar 2 snerist um faðir eins handbolta mannsins og ég man ekki um hvað sú þriðja var, enda ómerkileg. Þessar fréttir tóku að minnsta kosti 6-7 min.

Önnur frétt stöðvar tvö var hins vegar áhugaverð. Hún var um varaforsetaefni Barack Obama. Þeir ætla að koma fram í kvöld í live TV í fyrsta skipti, en Joseph Biden hefur samt sem áður verið sá maður sem mest hefur gagnrýnt Obama fyrir reynsluleysi í stjónmálum. Þetta er raunverulega stærsta fréttin. Þessi frétt tók um það bil 50 sek.

Næsta frétt var um mink sem hafði slæðst til krakka einhverstaðar út á landi. Fréttin var löng og ítarleg. Myndir birtust af minknum í búri og ítarlegt viðtal var við heimilisföðurinn (eða dýralækni, man ekki hvort var) Þessi frétt tók 5 mínútur.

Því spyr ég, hvað er að gerast hjá íslenskum fréttamönnum??? Hafa þeir ekkert annað að segja frá öðru en handbolta og minkum???

 

Athugasemdir

[Róbert Björnsson, 23.8.2008 kl. 21:40]

Það alvarlegasta í þessu öllu saman er að Sigmundur Ernir bar fram nafn Bidens sem "Bidden"...en ekki "Bæden". 

[Siggi Lee Lewis, 24.8.2008 kl. 00:36]

Já einmitt! Sigmundi hefur legið svo á færa minkafréttina til íslendinga að hann hefur misst sig í öllum talburði....