Árið eitthvað söng einhver þjóð í Júruvísjon keppninni leiðinlegu. Það var Hljómsveitin Bucks Fizz með lagið Making your mind up. Það eina góða við þetta lag að mínu mati er að það virðist mjög langt síðan það naut hylli.

Ég tek það fram að ég hafði aldrei heyrt þennan ógeðslega viðbjóð fyrr en ég heyrði það á facebooksíðu Gunnars Erlendssonar, söngvara í Blues Willis. Frábær söngvari, frábær náungi að öllu leyti og með frábæran húmor. Um leið og ég heyrði ógeðslega viðbjóðin sá ég að það draup blóð niður á takkaborðið. Ég hafði fengið blóðnasir. Af leiðindum.

 Anyway, ég kannaðist strax við sönglaglínuna. Hún er eftir meistara og twist kóng Chubby Checker. 1962-4 söng Checker lagið The Huckelbuck. Það náði aldrei neinum gífurlegum vinsældum, en þó nokkrum. Lögin eru ekki svo lík. En söng-laglínurnar í báðum lögunum eru eineggja síamstvíburar.

Bucks Fizz: Making your mind up

Chubby Checker: The Huckelbuck

Að leiga heimilið sitt er alveg frábært. Alger forgangur. Þú bara velur þér heimili, og borgar svo ákveðna upphæð á mánuði. Upphæðin getur verið frá 50.000 upp í 10 milljónir á mánuði! Aðalega samt upp úr 50.000. Getur verið með læti og allt!

Fyrir 5 árum, þegar ég leigði 45 fermetra íbúð, þá var leigan sem ég borgaði 50.000 krónur. Það var alger snilld! Og frekar ódýr leiga þrátt fyrir þann tíma.

Núna er ég að borga 70.000 krónur fyrir 30 fermetra. Leiguverðið hefur rokið upp, sem og fasteignarmat. Allt hækkar víst útaf þessari kreppu. 2.250 krónur á hvern fermeter. Ég segi OK. Því staðsetningin mín hentar mér. Ég ætla ekki að rífa kjaft yfir hvað þetta er orðið dýrt. Þið sjáið um það.

Jens Guð, bloggari, rithöfundur og útgefandi með meiru hafði sagt mér í mörg ár að Færeyjingar væru ljúfari en lömb, og vildu gera allt fyrir íslendinga sem þeir gætu. Hvort sem við kæmum til Færeyja, eða þeir hingað, þá vildu færeyjingar íslendingum allt vel. Ekki nóg með það heldur nánast dáðu Færeyjingar Ísland og íslendingar Færeyjinga. Þessu tók ég með fyrirvara. Í bili.

Margar heyrði ég sögurnar frá Jens um Færeyjinga. Flestar nokkuð ótrúverðugar og ótrúlegar. Það gat ekki verið að ein þjóð dáðist að Íslandi svona mikið. Ég spurði Jens Guð út í þetta. Jens sagði mér að það væri gagnkvæm væntumþykja til Færeyjinga þó reyndar skorti upplýsing um Færeyjar hér á landi. Sem er rétt. Íslendingar vita meira um Kuala Lumpur en Klaksvik í Færeyjum. Sem er synd.

Mér fannst Guðinn alltaf ýkja dálítið með sögur sínar af ferðum sínum til Færeyja. Dæmi var að maður gæti gengið inn á hvaða heimili sem er, óboðinn og fullur og þegið pönnukökur

Færeyjingar væru æstir í að bjóða íslendingum pönnukökur. Þetta fannst mér ansi magnað og prófaði þetta sjálfur þegar ég fór í fyrsta skipti til Færeyja. Það stóð heima.

Færeyjar get ég ekki líkt við annað en himnaríki. Töllvörðurinn á flugstöðinni er lyklapétur.

Ég hafði keypt einni flösku of mikið af víni að sögn tollvarðarins. Ég var í vímu af þægindar andrúmslofti og vellíðu. Smá drukkin líka.

Ég sagði fyrirgefðu, "ég bara skila flöskunni til baka og biðst innilegrar afsökunar"

Tollvörðurinn brosti og lokaði töskunni og sagði "Nei, tú skalt bara minnast til tað næstu ferð" blikkaði mig og renndi flöskunni ofan í töskuna aftur.

Þegar til Torshavnar var komið, eftir 30-40 min rútuferð, leið mér eins og engli. Yfirvegunin var svo þvílík og fólkið var svo frábært að ég trúi því varla enn. Ekki skemmdi það að sitja við hliðina á Jens Guð. Ég þarf að fara aftur til Færeyja til að ná því hversu færeyjingar eru elskulegir í garð íslendinga. Ég næ ekki ástæðunni., en einhverra hluta vegna þykir mér vænst um færeyjinga til baka.

Og þá er komið að því sem enginn hefur beðið eftir. Jólabjóradómar.

Ég smakkaði Jóla Kalda í fyrsta skipti um daginn. Jóla Kaldi er bjór sem er bara framleiddur fyrir jólin eins og allir jólabjórar. Kaldi er alveg frábær bjór. Nokkuð bragðmikill en vel þambanlegur, eins og bjór á að vera.   Bragðið minnir helst á það sem maður gæti ýmindað sér að vatn í himnaríki bragðist. Það er fátt betra en að slaka einum ísköldum Jóla kalda í sig áður en maður fer á skíði.

Jóla Kaldi er dökkur bjór þó gjörólíkur öðrum bjórum sem Bruggsmiðjan á Ársskógarsöndum hefur gefið út áður. Hann er eins og ég segi bragðmikill og er 5,4% að veikleika. Ég mæli með Jóla Kalda fyrir alla sem finnst gaman í snú-snú.

Jóla Kaldi.

Veikleiki: 5,4%

Verð: 316 kr flaskan sem er allt of dýrt.  Ég gef Jóla-Kalda 17 rop af 20.

*****************

 En þá er komið að trúlega besta bjór sem er frammleiddur á Íslandi.

Sá djöfull heitir Egils Malt Jólabjór. Hann smakkast eins og gott sælgæti. Sætur, með pínu karamellukeim, svo ekki sé minnstá hið ljúffenga malt bragð. Ég mæli innilega með Egils Malt Jólabjór sem fyrsta þamb-bjórnum. Svo mega aðrir fylgja á eftir.

Það er ekki gott að þamba 11-12 kippur af bjórnum á einu og sama kvöldinu. Þá getur maður fengið ógeð og ælt eins og múkki. Einungis spari. Egils Malt Jólabjórinn er millidökkur og var einmitt fyrsti jólabjór Egils verksmiðjunnar. Áður hafði Viking einungis verið með jólabjór svo það var kærkomin nýjung. Einn stór galli Egils Malt Jólabjórinn er sá að hann er allt of allt of dýr. Ég man þá gömlu góðu daga þegar flaskan kostaði 198 krónur sem er samt allt of dýrt í rauninni, því þetta er bara einn lítill flöskutittur.

Ég get  fullyrt að Malt jólabjórinn sé með allra bragðbestu bjór sem ég hef smakkað, ef ekki sá besti.

Egils Malt Jólabjór

Veikleiki: 5,6%

Verð: 279 kr flaskan, sem er bara steypa! 

Ég gef Egils Jóla Malt Bjórnum 20 rop af 20!

********************

Svo þegar á toppinnn er hvolft, tekur Egils Malt Jólabjórinn síðustu lotuna með vinstri krók beint í flöskuhálsinn á Jólakalda og rotar hann, Jóla Kaldi átti aldrey möguleika allan bardagann.