Steingrímur á Silfrastöðum

Eitt sinn á efstu árum sínum fór Steingrímur á Sauðárkrók eftir sláturtíð, þá löngu orðin blindur. Tíð var ágæt. Við vorum fjögur með Steingrími að telja, sem urðu samferða Steingrími úr kaupstaðnum. Síðast komum við til Jónasar læknis, sem þá var ekki kominn í náttúrulækninguna, og drukkum þar kaffi og vel út í. Var töluverð sletta komin í Grím er við fórum. Hann reið gráum hesti, stólpa grip. Um leið og hann var kominn á bak slær hann í hestinn, sem til allrar hamingju snýr í suður, svo hann tók sprettinn fram allan veg, og er skemmst frá því að segja að við náðum Steingrími ekki fyrr en fram undan Gili. Var þá stansað og heimtaði Steingrímur þegar brennivín. Hvað hann okkur mestu drullusokka og lumpna æði að halda í þetta við sig og vera að drekka sjálfir, sem hann fullyrti. Gerðist hann töluvert ölvaður, en sat þó Grána prýðilega.

Tekið úr gömlum annáli.

Athugasemdir

[Jens Guð, 6.7.2009 kl. 00:43]

  Frábær frásögn!

[Svavar (IP-tala skráð) 16.7.2009 kl. 08:50]

Sæll!

Mér skilst að þú hafir áhuga á að spila blús?

Við erum 2, trommari og gítarleikari að koma saman bandi, og markmiðið er að vera tilbúnir fyrir næstu blúshátíð, hefurðu áhuga á að koma og prófa að djamma smá með okkur?

Svavar

[Siggi Lee Lewis, 16.7.2009 kl. 11:51]

Kíkjum á það. Hafið samband við mig. 857-5675.

[Margrét (IP-tala skráð) 16.1.2010 kl. 12:15]

Fallegur hestur af austanvatnaætt.

[Siggi Lee Lewis, 30.1.2010 kl. 10:59]

Hesturinn á myndinni er gríðar fallegur og ótrúlega massaður og skorinn. Hann er þó ekki hesturinn í ofangreindri frásögn. :-)